“‘Нэгдмэл энх тайван дэлхий’ Солонгост тэмдэглэсэн нь, 8 цувралын 1-р хэсэг”

Олон улсын уран бүтээлчдийн өдрийг хоёр дахь удаагаа Солонгосчууд эв зохиролтой дэлхийг бэлгэдэн өргөн дэлгэр тэмдэглэн өнгөрүүлсэн юм. 2019 оны 3-р сарын 17-нд буюу “Нэгдмэл Амгалан Дэлхий” уран бүтээлийн 5 өдрийн үзэсгэлэнгийн сүүлийн өдөр бидний Хайрт Төгс Гэгээрсэн Их Багш Чин Хай шууд холбогдож хүндэт зочин болж үргэлжлүүлэн Нэгдсэн Солонгосын хөгжим, бүжгийн концертыг шууд дамжуулан хүргэсэн юм.

Нэгдмэл. Үүнд би дуртай. Бодоод үз дээ. Америкийн Нэгдсэн Улс, Нэгдсэн Европын, эсвэл Европын Холбоо гэхээр бид нэгдсэн байгаа учраас хамаагүй илүү хүч чадалтай эрхэм сонсогдож байгаа биз. Бид тусгаар саланги байх учиртай хүмүүс биш юм. Үүнийг танай удирдагчид хэлсэн. Тэрээр хэлэхдээ, бид өөр хоорондоо дайтаж байх ёстой хүмүүс биш гэсэн юм. Тийм, бид солонгосчууд. Өмнөд, Хойд гэлтгүй яг адил. Бид кимчи, хүйтэн гоймон иддэг шүү дээ. Тэгэхээр одоо цаг нь болсон. Өө, би одоо хэр нь энэ талаар бодон баяр жаргалтай байна. Танай ард түмэн, солонгосчууд одоо л нэг уужим амьсгал авч сэтгэл тэнүүн болох цаг болсон. Нэгэн ураг төрлийнхөн, нэгэн улс орны хүмүүс юм чинь ийнхүү эв зохирлын сайхныг мэдрэх зүй ёсны эрхтэй.

Энх тайвныг тогтооно гэдэг бол асар олон амь авардаг. Олон амь аварсны тань төлөө Будда таныг адислах болно. Тань дээр болон энх тайвныг цогцлооход оролцсон хэн бүхний дээр диваажингийн адислал бороо мэт асгаран буух болно.