Дэлгэрэнгүй
Татаж авах Docx
Дэлгэрэнгүй уншаарай
Иймд та бүхэнд юу хийж байгаагаа товчхон тайлбарлая. Юуны өмнө би Украин (Урейн) дахь энхийн үйл явцын яг хаана нь юу болсныг мөшгөж олох ёстой. Гэтэл заримдаа хүмүүсийн муу энергиэс болж надад саад тотгор учирдаг. Ийм энерги харанхуйлчихдаг. Харах боломж олгохгүй. Миний цаг хугацаа, эрч хүчийг дэмий үрдэг бас нэг асуудал нь энэ. Мөн би дэлхий дээрх ажлаа хийж, бизнес, ресторан, хүмүүсийг, багийнхнаа халамжлах ёстой хэвээр байгаа. Мөн багийн зарим гишүүд заримдаа хүн л болсон хойно сэтгэл санааны болон бусад асуудалтай байдаг. Бүгдэд маань л асуудал бий. Би ямар ч асуудалгүйхөөрхөн жомбойгоод суудаг юм биш. Та нар ойлгож, намайг ер буруутгахгүй гэж найдаж байна. Би чадлаараа л хичээдэг. Та бүхний төлөө бүр үхэхийг хүсдэг ч Бурхан зөвшөөрдөггүй. Тэр хэлэхдээ “Тийм юм болохгүй. Тэглээ ч нэмэргүй. Нас барсны Тань дараа бид энэ нэг үе, эсвэл хагас үеийг аварч чадаж магадгүй ч юмс буцаад л байдгаараа давтагдах болно. Тэгэхэд харин тэдний төлөө хэн үхэх болж байна вэ?” гэдэг. Асуудал нь энэ.Би тэгээд Тэднийг Гурав болохоос өмнө Бурханаас асуусан юм. “Та яагаад хүн төрөлт хүүхдүүдээ хайрладаггүй юм бэ? Тэд бол Таны бүтээл. Таны хүүхдүүд, тийм биз дээ?” гэхэд Тэрээр “Тийм ээ, би тэдэнд үгээр илэрхийлэх аргагүй их хайртай. Гэхдээ бас бусад хүүхдүүддээ, амьтан-хүмүүст ч хайртай. Хүмүүс өдөр бүр миний хамаг хүүхдийн амийг хөнөөж, гол мөрөн, далай, хөрс, агаар, ой мод, нуур гээд бусад бүх зүйлийг хороож байна. Тэд бүгдийг нь хөнөөж байна. Би тэднийг уучилж, үргэлжлүүлэн амьдруулахыг зөвшөөрсөн ч эцэст нь тэд бүгдийг алах болно. Тэр ч байтугай бүх амьтан-хүн, зэрлэг, гаршуулсан гээд бүх амьтан-хүн үхэх болно. Муу энерги тэднийг ч ялгаагүй эрт орой хэзээ нэгэн цагт устгах л болохоор тэд янз бүрийн байдлаар бүгд үхэх л болно. Тэгээд тэд идэх юмгүй болно. Тэд бие бие рүүгээ чиглэж, бие биеэ алж идэхэд хүрнэ. Нээрээ шүү!”Тиймээс Бурханд ч бас тээнэгэлзэх асуудал тулгардаг. Тэр аль хүүхдүүдээ аврах ёстой вэ? Тэр аль алийг нь аврахыг хүсдэг. Даанч бие махбодтой хүмүүс Бурханы Бэлэг болсон бие махбодын чадвар, хүч чадал, бүх зүйлийг урвуулан ашиглаж, эргэн тойрныхоо бүх зүйлийг хөнөөснөөр амиа хорлож байна. Бүх зүйл алга болох хүртэл удаан үргэлжлэхгүй. Тиймээс Бурхан удаанаас удаан, уртаас урт хугацаанд мөнхөд өршөөл үзүүлсээр ирсэн гэж Тэрээр надад хэлсэн.Харин одоо Бурхан тэднийг алах ч хэрэг байхгүй. Тэд өөрсдийгөө боомилж, цуст энергиэр өөрсдийгөө хөнөөдөг. Би харааж зүхээгүй шүү. Зүхсэн байлаа ч хамаа алга даа. Надад ичиж зовох юу ч байхгүй. Энэ гараг бол үнэхээр хүн төрөлхтний бүтээсэн цуст гараг юм.Байгалийнх мэт харагдаж байгаа ч энэ бүх болж байгаа явдал, бэрх гамшгууд бүгд хүн төрөлхтний хийсэн хэрэг. Байгалийг битгий буруутгаарай. Дайныг буруутгах хэрэггүй. Путиныг ч битгий буруутга. Тэд бүгд хийх ёстой зүйлээ хийж байгаа юм. Эсвэл тэднийг нөхцөл байдал нь тийм болгож, энерги л тийм болгодог. Учир нь тэднийг амар тайван бус ертөнцөд байхад нь бид тэднийг хөндөхгүй, муу зүйл хийхгүй, залбирч, бясалгаж, зөвхөн веган хоол идэж, хэнийг ч хөнөөхгүй, амьд төрөлтөнд хор хөнөөл учруулахгүйгээр буртаггүй, цэвэр ариун байдаг бол хэн ч бидэнд халдаж чадахгүй. Үгүй бүр хамгийн хүчирхэг сатан ч биднийг яаж ч чадахгүй. Ийм л учиртай юм. Бидэнд өөрсдийн гэсэн хамгаалалт, өөрсдийн хүч чадал, билиг ухаан, бүх зүйл бий. Бурхан бидэнд маш их зүйлийг, бүх зүйлийг хайрладаг. Бид бүхий л дэлхийтэй идэх өмсөхөө санааны зоргоор хуваалцаад сэтгэл амар унтаж байж болох байсан. Нэг их ажиллах ч шаардлагагүйбайсан. Гэтэл үгүй. Дэлхий дээр заларч ирсэн бүх Их Багш нарыг хэн ч сонсдоггүй. Өөрсдийнх нь төлөө хамгаа золиосолж, өрөвдмөөр, харгис хэрцгий байдлаар амиа алдсан ч тэд хайхардаггүй хэвээрээ. Тэд ер сонсдоггүй. Тэд Бурханы хэлсэн Үг бүхнийг үл тоодог. Бурханы Үг тэдний хувьд юу ч биш. Тэд зөвхөн л эрх мэдэлтнийг, эсвэл улс төрчдийг, банк, мөнгө, бие махбодын ая тухыг хангах элдэв зүйлийг л сонсдог. Бидэнд энэ бүхэн байж болно. Бурхан тэр бүгдийг зөвшөөрдөг. Гэхдээ бид бусдыг хөнөөх замаар өөрсдийгөө хөнөөж болохгүй. Үнэхээр ийм байдаг. Бид бүгд холбоотой. Бусдыг хороох юм бол өөрийгөө л хөнөөнө. Хөлийнхөө хуруунд дургүй гээд хөлийнхөө хурууг цавчих юм бол дараа нь биед тань нөлөөлдөг шиг л юм. Та ердийнх шигээ сайн алхаж чадахгүй. Энэ үед хэрхэхээ мэдэхгүй байх юм бол цус алдсаар, хөлийн хуруу ч гэлээ үүнээс цус гоожсоор үхэх болно.Сонсох хүн байгаа эсэхийг мэдэхгүй ч та нарт гэж хэлье. Хэдэн хүн сонсож юуны магад гэсэндээ, чин сэтгэлтэй, үнэнч шударга атлаа гэнэнээсээ болж ойлгохгүй байгаа хэдэн хүнийг аврах ч юм билүү гэсэндээ л хэлж байна. Харин тэд одоо ойлгоод өөрчлөгдвөл би тэднийг аварч чадна. Бурхан тэдэнд маш их хайртай. Бурхан биднийг хэн нэгний дүрсэлж, тайлбарлаж чадахаас ч илүү хайрладаг. Тэр ч байтугай хамгийн уран үг хэлтэй хүн үүнийг хүмүүст ойлгуулж, Бурхан үрстээ ямар их хайртай шигээ амьтан-хүүхдүүддээ яг адилхан хайртай гэдгийг ойлгуулж чадах хэмжээнээс ч хавьгүй их хайрладаг. Эгэл даруу нэгэн хүмүүн би ч амьтан-хүмүүст маш их хайртай. Би хааяа Бурхны шавь нартаа наргиан болгоод, би хүмүүсийг ингэж их хайрлаж чаддаг ч болоосой гэдэг юм.Ээ Бурхан минь. Би шавжид хүртэл хайртай. Миний хувьд энэ бол нэг ертөнц. Та нар санаж байгаа бол гадаа хоол хийх хэрэгсэл, угаалтуур сэлт байдаг бол хоол хийх үедээ ногоо жимсээ угаачхаад угаалтуураа сайтар арчихгүй бол шавж санамсаргүй нисэж ороод далавчаараа угаалтуурт наалдан, аймшигтай үхэж мэднэ гээд зөвлөгөө өгч байсан даа. Мөн та нар наалдамхай зүйлсийг хаяхаасаа өмнө цаасанд ороож байгаарай. Тэгвэл шавж хорхой үүнд наалдаж, яаж ч чадахгүй удаанаар үхэхгүй.
Сайн уу, би Күүти дэгдээхэй байна. Би веган хоолтой. Өнөөдөр би Төгс Гэгээрсэн Их Багш Чин Хайн (веган) заасан нэгэн зөвөлгөө өгөх болно. Хэрвээ та гадаа хоол хийж байгаа бол галаа унтрааж, хоол юм уу шорлог хийсэн хэсгээ бүтээхээ мартуузай. Мөн угаалтуураа арчиж хуурай байлгаарай, тэгснээр шавжууд “живэхгүй” эсвэл бие, далавч зэрэг нь нойтон гадаргууд гацахгүй. Бидэнд жаахан ажил нэмэх ч тэдний хувьд амьдрал нь юм шүү. Энэ бүхний төлөө хайртай шүү - амжилт.” Байгаль орчноо хамгаалах, мөн жижигхэн шавж найзуудыг маань хамгаалах энэхүү халамжит зөвлөгөөг өгсөн Төгс Гэгээрсэн Их Багш Чин Хайд талархлаа. Бидэнтэй хамт байсанд баярлалаа. Бүх хүн төрөлхтнийг болон амьтад бидний төлөө Веган байж, Байгальдаа ээлтэй амьдарч, Гараг дэлхийгээ аварч байгаад талархлаа.
Тийм зүйлийг би ч бас тэсдэггүй. Би ийм нэг эгэл даруу хүний дүрээр оршин байгаа хэр нь ингэж их хайрлаж чаддаг байхад Бурханд ямар санагдах вэ?Та нар цөм Бурханыг өрөвдөж, Бурханы байдлыг ойлгох ёстой. Бурхан Бүхнээс Хүчтэй хэр нь Бүхнээс Энэрэнгүй. Та хүүхдүүддээ чухам хайртай бол тэднийгээ үхвэл та ямар их уй зовлон мэдрэх бол? Хамаг хүүхдүүдээ өмнөө аймшигтайгаар үхэж байгааг хараад Бурхан хэчнээн их зовохыг төсөөлөөд үз дээ. Гэтэл энэ бүх эмгэнэлт зүйлийг хүмүүс хийдэг. Мөн маяагийн нэг буруу гэвэл тэд хүмүүсийг муу зүйлд уруу татдаг бөгөөд бидний эргэн тойронд улам олон муу энерги хуримтлагдсаар, манай гарагийг сүйдсэн, арга мухардсан дорой болгож, улам бүр дордуулдаг. Арга чарга ч байхгүй.Нува Бурханы мянга мянган урьд төрлийн дотор нэг ийм түүх байдаг. Бид түүнийг Жиу Тиань Шуань Нү гэдэг ба энэ нь 9 дэх Диваажингийн Нууцлаг Бурхан гэсэн үг. Тэр таван төрлийн өнгөт чулууг ашиглан хайлуулж, тэнгэрийн нүхнүүдийг нөхсөн. Энэ нь манай соронзон орон, хамгаалалтын бусад давхарга буюу озоны давхарга юм. Гэтэл тэр нь зүгээр жижигхэн нүх, дэлхийн жижигхэн хэсэгт байсан. Яг одоо хаа сайгүй зузаан, нимгэн, үзэгдэх, үл үзэгдэх нүхнүүд бий.Би өдөржин шөнөжин хичээсэн ч бүгдийг нь нөхөж дийлэхгүй. Би дуртайяа тэгэх сэн. Хэдийнээ заримыг нь нөхөх гэж хичээсэн. Эс тэгвээс улам дордох байв. Гэтэл хүмүүсийн тусламжгүйгээр бүгдийг нь нөхөх боломж одоо байхгүй л байна.Хүний эерэг энерги, Бурханы энерги тэдний дотоодод байдаг. Хүмүүсийн хийх ёстой зүйл бол “Надад энэ маяагийн нөлөө, сатаны хорон тушаал цаашид хэрэггүй. Би зөвхөн Бурханы Хүчийг л хүснэ. Хоолны ширээнээс эхлээд бүх эерэг, буянтай үйлийг хийж, энэ гарагийг эдгээхэд Гурван Хүчирхэг Бурханы Хүч надад туслаасай гэж хүсэж байна.” хэмээн эергээр бодох, эергээр тушаах замаар тэр хүчээ ашиглах явдал юм. Өдөр бүр, өлсөх бүрдээ веган хоолыг ширээн дээр тавь. Ширээн дээр биш байсан ч автобусанд явж байхдаа, цэцэрлэгт хүрээлэнд, өдрийн хоолны завсарлагаар ажил дээрээ байхдаа дандаа веган бай! Тэгвэл бүх зүйл санаанд багтамгүй амар амгалан, сайн сайхан болж, та бүгдэд ашигтай байх болно.Бурхан хүмүүсээс Өөрийгөө хайрлахыг шаарддаггүй. Зүгээр л сайн бай. Бусдыг зүгээр л хайрла, бүү хорло. Тэгээд бүх зүйл бүтэх болно. Бүх энерги өөрчлөгдөнө. Зөвхөн эерэг энерги л сөрөг энергийг ялж чадна. Учир нь бид өөрсдийн зассан ор хөнжилдөө орохоос өөр аргагүй. Гэхдээ бид хөнжил гудсаа сольё гэвэл жаахан нойрмог байгаа ч гэсэн босоод солих хэрэгтэй. Ор хөнжил ч шинэхэн болчихно. Нөгөө ор хөнжлөө яах нь хамаагүй. Тэрийг хаяж, эсвэл угааж болно. Болбол дахин ашиглаж болно.Та нарт тусалж, замчлахын тулд би арай илүү урт наслах байх гэж найдаж байна. Бурхан ард минь байж, намайг, бид бүгдийг замчилж байгаа. Би Тэрхүү Хүчирхэг Гурвын Нэг. Тэдэнд хандан залбирвал биелэх болно. Та залбираад бас алхам хийж, өөрийгөө засах, зүй ёсны, зөв болохын тулд хүч чадлаа ашиглах ёстой. Энэ дэлхийн шилдэг нь болж. Бусдыг манлайлна гэж хүлээлгүй манлайлагч болох ёстой. Хэрэв та нар бүгд манлайлагч болчихвол бидэнд цаашид манлайлагч хэрэггүй болно. Эх дэлхийгээ даруйхан аварна. Энэ бүхнийг чин сэтгэлээсээ хэлмээр байна. Намайг сонсоорой. Сонсож үзээрэй.Би үүнээс одоо юу хожих вэ? Би олон саятай саятан, үнэхээр олон саятай саятан. Надад олон бизнес бий. Би та нарын ач гуч нарын цаг үеийг хүртэл өөрийгөө сайхан аваад явчих боломжтой. Тэгээд ч бид энэ бүх мөнгийг ашиглаж чадахгүй байгаа ч бизнесүүддээ оруулчихсан. Тэгсэн ч би бүгдийг нь буцааж аваад, том онгоц, олон ажилтан, том дарвуулт онгоц, том байшин, үйлчлэгч гээд бүгдийг өөртөө ашиглах боломжтой. Би яах гэж энэ ажлыг хийдэг гэж бодож байна?! Яагаад би зүгээр л нэг урцанд байдаг гэж бодож байна? Тэгээд хоол хийх цаг бараг байхгүй, хүйтэн хоол иддэг. Хоолоо хийчихсэн байлаа ч халаах цаг бараг байдаггүй. Юуны төлөө гэж бодож байна?Гуйя, миний үгийг сонс! Ганцхан удаа ч болтугай намайг сонсоорой. Веган бол! Бурханд залбир. Хүчирхэг Гурав гэж байхгүй гэж бодож байвал Бурханд залбир. Одоогоор ямар нэг жижиг гэгээнтэн, жижиг багш, ганц Буддад залбираад тийм ч их тус болохоо больсон. Бүхнийг Чадагч Бурханд залбир. Дараа нь бүх Их Багш нарт хамтад нь залбир. Тэгээд гараг дэлхий дээрх нэгэн гэгээн төрөлтөн болж, бусдад туслахын тулд өөрийгөө л өөрчлөөрэй.Photo Caption: Гэрэлт Од Мэт Бай!
