Дэлгэрэнгүй
Татаж авах Docx
Дэлгэрэнгүй уншаарай
Сонинд ганц өдөр бид: “Өө! Өнөөдөр дэлхий дахин амар амгалан байна!” гэж уншиж байсангүй. Тийм үү? (Тийм.) Тийм гарчигтай сонин байхыг харсан хүн байна уу? Эсвэл зурагтаар харж байв уу? Ганц өдөр тийм байв уу? Дэлхий ганцхан өдөр амар амгалан байвал гайхамшиг болохоор байна. Хамгийн дээд гайхамшиг болох биз. Гэвч нэг ч өдөр тийм байдаггүй. […] Өнгөрсөн хэдэн жил, сүнслэгээр бясалган дадуулахаас гадна, зовж шаналсан төрөлтнүүдэд туслахын төлөө чадах бүхнээ хийж ирсэн. Үнэхээр их хичээсэн шүү. Заримдаа би бүх мөнгөө өгчихдөг, энэ Төвийн мөнгөнөөс ч өгсөн. Гэрээс гарагчид сар бүрийн хувийн хэрэглээгээ аваагүй. […] Магадгүй Түүний (Бурханы) хувьд энэ дайн яг жүжиг шиг байх. Гэвч би нэг нууц хэлье. Энд ирээд, эв эвийг эрхэмлэдэггүй хүмүүс Диваажингаас хөөгдсөн байдаг. Тэд Диваажинд сайнгүй байсан учраас энэ дэлхий рүү унадаг. Тэднийг хөөсөн. […]Тийм учраас би та нарт дотоод амар амгалангаа л олох боломжтойг хэлсэн юм. Энэ дэлхийн энх тайван найдваргүй. Хүмүүсийн дунд эв найрамдал тогтоох тун хэцүү. Хүссэнээ асууж гуйж болох ч энх тайвныг хүснэ гэдэг... Тийм учраас бид сүнслэгээр бясалган дадуулах ёстой. Сүнслэгээр бясалгаж дадуулсны дараа дотооддоо бид илүү тогтвортой болдог. (Тийм.) Үхсэн ч амьдарсан ч хамаагүй. Мэдээж, бид амь насаа хамгаалахын төлөө чадах бүхнээ хийх ёстой, учир нь амьдрал маш үнэ цэнтэй. Бид сүнслэгээр дадуулах ёстой. Хэрэв бидний үйлийн үр ирж, бид явах ёстой болбол, явна. Сүртэй зүйл биш. […]Бид өөрсдөө хариуцлагатай байх ёстой; өөрсдөдөө туслах ёстой. Их Багш хатуу байдагтаа биш, эсвэл хэн ч хараагүй байхад хүссэнээ хийж болдог юм биш. Та нар үнэнч шударга байх ёстой. Хүмүүс харсан ч хараагүй ч та нар адилхан байх ёстой. […] Агуу байхын тулд та нар зөв зүйлсийг хийх ёстой. Тэр л жинхэнэ агуу зүйл. Агуу байна гэдэг бусдыг үгийг хүссэнээрээ өөрчлөхийг хэлдэггүй. Агуу байна гэдэг өөр хэнийг ч сонсохгүй байхыг хэлдэггүй. Хүмүүсийг сонсохгүй байх дэндүү амархан. Сонсоход маш их анхаарал шаардана, тийм үү? (Тийм.) Та нарын агуу байдал, онцгой сайн байдал тань эгэл даруу чанар тань. Агуу хүмүүс эгэл даруу байдаг. Хүн агуу байх тусмаа даруу байдаг. […]Photo Caption: Аль чадахаараа сайныг өгөөрэй
