ӨДӨР ТУТМЫН МЭДЭЭ-ний гол тойм 2025 оны 4-р сарын 21

Ерөнхийлөгч Трамп хэрэв удахгүй ахиц дэвшил гарахгүй бол АНУ Украины энхийн хэлэлцээрийг цуцална гэж Украин, Орос улсуудад анхаарууллаа. (ВВС)

Европ, Украин, АНУ-ын дээд албан тушаалтнууд [Францын] Парис хотод уулзаж, Украины ирээдүйн талаар хэлэлцэв. (AP)

“Барууныг дахин агуу болгоё”: Италийн ерөнхий сайд Жоржиа Мелони АНУ-ын ерөнхийлөгч Трамптай Цагаан ордонд уулзаж, дараах гол зүйлсийг хэлэлцжээ: - Ерөнхийлөгч Трамп Иран улсад цэргийн ажиллагаа явуулахаас илүү дипломат аргыг илүүд үзэж, Ираны ард түмэнд амар амгаланг өгвөл, “агуу улстай болох боломж” байна гэжээ. - Ерөнхийлөгч Трамп “Байдены үед бид худалдаанаас маш их мөнгө алдсан”, харин миний татварууд “биднийг баян болгож байна” гэв. - Ерөнхийлөгч Трамп АНУ ЕХ-той худалдааны хэлэлцээрт хүрнэ гэдэгт итгэлтэй байгаа бөгөөд Америкт “хэлэлцээр хийх” хангалттай эрх мэдэл бий гэж мэдэгдэв. - Ерөнхийлөгч Трамп ерөнхий сайд Мелонийн Итали улс руу ирж буй хууль бус цагаачлалыг 60%-иар бууруулсан цагаачлалын бодлогыг сайшааж, “Тан шиг олон хүн байгаасай гэж хүсэж байна.” хэмээн хэлжээ. - Ерөнхий сайд Мелони Италийн компаниуд ойрын жилүүдэд АНУ-д 10 тэрбум ам.долларын хөрөнгө оруулалт хийхээр төлөвлөж байна гэжээ. -Ерөнхий сайд Мелони АНУ-тай хамтран Ангараг гарагт нисэх зорилгыг гүйцэтгэх сонирхолтой байна. - Ерөнхийлөгч Трамп ерөнхий сайд Мелонийн Барууны соёл иргэншлийг дахин "агуу" болгох зорилттой санал нэг байна. Энэ уриаг ерөнхийлөгч Трампын алдартай урианаас зээлсэн байна. (Скай Ньюс Австралиа; ФОКС 5 Вашингтон ДС)

Барууны цэргийн холбоо НАТО нь АНУ-ын засгийн газар, сургууль, бусад байгууллагуудаас жендерийн радикал үзэл суртлыг устгаж буй АНУ-ын ерөнхийлөгч Трамптай нийцүүлэхийн тулд уур амьсгал, хүйс, олон талт байдлын талаарх хэл яриагаа зөөлрүүлж байна. (Политико)

2021 оны 10-р сарын 7-ны халдлагын үеэр Хамас бүлэглэлийн авч явсан Билли нэртэй тэжээвэр нохойг Израилын цэргүүд Газын зурвасаас олж, гэр бүлд нь буцаан өгсөн бөгөөд тэд үүнийг "Тэнгэрээс ирсэн гайхамшиг" гэж нэрлэжээ. (Скай Ньюс Австралиа)

[Пакистан] Исламабад хот болон Хайбер-Пахтунхва мужийн зарим хэсэгт ширүүн мөндөр орж, хүчтэй борооны дараа үер бууж, их хэмжээний хохирол учруулжээ. (Үүрийн гэгээ)

Дэлхий улам саруул болж байна: Эрдэмтдийн үзэж буйгаар агаарын бохирдол нь нарны цацрагийн дэлхийд хүрэх хэмжээнд ихээхэн өөрчлөлт үзүүлсээр ирсэн бөгөөд 1950-1980-аад оны үед "дэлхий даяар харанхуй бүүдгэр” байсан бол 2000-аад оноос хойш хэсэгчлэн “гэрэлтэж” байна. Илүү цэвэр агаар нь Хятад зэрэг газруудад нарны эрчим хүчний хуримтлалыг нэмэгдүүлжээ. (Дэйли Галакси)

Реддит олон нийтийн мэдээллийн сүлжээний хэрэглэгчид сам хорхой үржүүлэх үйлдвэрт эм сам хорхойг хурдан өндөглөдөг болгохын тулд нүдийг нь няцалж, зүсэх юм уу шатаадаг болохыг мэдээд маш их айж цочирдсон бөгөөд олон хүн энэ тухай уншсаны дараа веган болно гэж бичжээ (ПЕТА)

Германы эрдэмтэд хар хэрээ геометрийг ойлгодог, тэгш өнцөг, тэгш хэм, параллель шугам гэх мэт хэв маягийг таньдаг болохыг олж нээжээ. (Туои Тре)

Эрдэмтэд борооны дуслуудыг энерги болгон хувиргах энгийн аргыг боловсруулжээ. Тэд босоо хоолой ашиглан унах дуслуудаас цахилгаан хураан авч, энэ нь хэзээ нэгэн цагт барилга байгууламжийг эрчим хүчээр хангах боломжтой гэж үзэж байна. (СайТехДэйли)

АНУ: Вашингтон муж аялан тоглолтын циркт заан, баавгай, сармагчин, том муурыг ашиглахыг хориглох тухай хуулийн төслийг баталлаа. Одоо хууль хүчин төгөлдөр болохын тулд Амбан захирагчийн гарын үсгийг хүлээж байна (Хроникл)

Америкчуудын бараг тал хувь нь хүлэмжийн хийн ялгаруулалтыг бууруулахын тулд ургамлан хүнс хэрэглэх талаар анхаарч байгааг судалгааны шинэ дүгнэлтээр тогтоов. (Хариуцлагатай анагаах ухааны эмч нарын хороо/Өглөөний зөвлөгөө)

Эрдэмтэд мах иддэг хүмүүс веган хүмүүсийг байгальд ээлтэй, эрүүл гэдгээр нь биширдэг ч ихэвчлэн бухимдал, хоолны дэглэмээ өөрчлөх хүсэлгүй байгаагаас үүдэн айдас, атаа жөтөө, үзэн ядалт, уур уцаарыг мэдэрдэг болохыг тогтоожээ. (Дэйли мэйл)

Энэ өдрийн өөрийгөө таних эшлэл: “Үг хэрэглэдэггүй Дуу хоолой гэж байдаг. Сонсооч.” - Хүндэт Гэгээрсэн Их Багш Руми (цагаан хоолтон)