Дэлхийд яг одоо маш их дэвшил хэрэгтэй байгаа бөгөөд дотоод Гэрлээ мэддэг бид, бусдад тэд үнэндээ Тэнгэрлэг төрөлтөн гэдэг Үнэнийг харахад нь туслахын тулд тод гэрэлтэх ёстой!

Ау Лак буюу Вьетнамаас Дон Нигийн аулак (вьетнам) хэлээр ирүүлсэн, олон хэлний хадмал орчуулгатай сэтгэлийн үгийг одоо хүргэе:

Хайрт Их Багш аа, Таны бяцхан шавь даруухан бөгөөд хүндэтгэлтэйгээр мэндчилж байна! Би 2003 онд авшиг хүртсэн. Миний амьдрал үргэлж Их Багшийн тусламж, Адислалыг хүлээн авдаг. Мөн Их Багш надад дотоод болон гадаад маш олон туршлагыг бэлэглэсэн. Сүүлийн үед миний бүх нүглийг угааж, бусдад үйлчлэх сүнслэг хүч чадлыг өгсөн гэж миний бодож байгаа, саяхны дотоодын ахуй ойлголтыг хайрласанд Их Багшдаа талархаж байна.

Нэг орой унтахынхаа өмнө би Арьяабалын бясалгалаа хийж, тасралтгүй чин сэтгэлээсээ залбирсан. Би өөрийгөө болон бусад авшигтнуудыг тэнгэрт өндөр хонгилд бясалгаж байхыг харсан. Гэнэт миний билгийн мэлмий дээр маш тод алтан шар Гэрэл тусаж, намайг урагш унахад хүргэв. Их Багш энэ Гэрэл бол дотоодын Диваажингийн Гэрлийн ахуй ойлголт гэж заасан учраас, би харах гэж нүдээ нээхийг оролдож их зүдрэв. Гэнэт, үүлнээс маш том баруун гар аажуухан гарч ирээд, надад баруун тийшээ харахыг заалаа. Тэр үед би “Эрхэм хамт бясалгагчид аа, наашаа хар даа...” гэж чангаар хашгирав. Тэгээд гарын чигийг дагуулаад харвал, эгнэж зогссон янз бүрийн хэмжээтэй таван гарагийг үзэв. Гарагуудын зарим нь цав цагаан, зарим нь хар өнгөтэй байв. Би гар руу эргэж хартал, гэнэт, маш том Будда гарч ирэв. Тэр бол Их Багш байв, намайг хараад, бясалгалын үеэр гараа хэрхэн байрлуулахыг зааж өгсөн юм. Сэрээд би дотоод ахуй ойлголтод байснаа мэдсэн.

Надад Ивээл хишиг болон маш их Адислалыг өгсөн Их Багшдаа баярлалаа. Би Их Багшийн надад өгсөн Хайрыг мэдэрсэн төдийгүй, Түүний хүн төрөлхтөн, Дэлхийг гэсэн Хайрын тухай ойлголттой болсон. Би Оройн Дээд Бурханд Арьяабалын бясалгалын замаар үргэлж хичээн чармайхад минь туслаач гэж залбирсан. Хайрт Их Багшдаа баярласнаа илэрхийлэхийг хүч байна, Би Таныг үүрд хайрлая. Их Багшийн эрүүл мэнд үргэлж төгс байж мөн Их Багшийн бүх үүрэг зорилго үргэлж биелээсэй гэж би залбирдаг. Ау Лак (Вьетнам)-аас Дон Ни

Зөөлөн сэтгэлтэй Дон Ни, Бидэнтэй дотоод ахуй ойлголтоо хуваалцсанд баярлалаа.

Их Багш дараах эелдэг захиасыг зөвхөн танд зориулж байна: “Хүндэтгэлтэй Дон Ни, таны сүнслэг бясалгал сайн байгааг сонсоход үнэхээр сайхан байна. Гэм зэмгүй зүрх сэтгэл болон Их Багшийн Хүчинд итгэх итгэл маш ихээр адислагдах боломжийг олгодог. Цэвэр ариун, аминч бус зүрх сэтгэл, бусдад туслах хүсэл эрмэлзэлтэйгээр хичээнгүйлэн бясалгалаа хийгээрэй. Дэлхийд яг одоо маш их дэвшил хэрэгтэй байгаа бөгөөд дотоод Гэрлээ мэддэг бид, бусдад тэд үнэндээ Тэнгэрлэг төрөлтөн гэдэг Үнэнийг харахад нь туслахын тулд тод гэрэлтэх ёстой! Сайн багаж байгаад баярлалаа. Та болон домогт Ау Лак (Вьетнам) орон Будда, Бурхадын цацрах Гэрэлд жаргах болтугай. Танд маш их Хайр, Адислалуудыг илгээе!”