Оюун санааны бясалгагчдын хувьд алдаа дутагдлынхаа талаар үнэнч байж, өөрийгөө шинжих нь маш чухал. Учир нь алдаа дутагдал нь бидний сул тал бөгөөд бид оюун санааны бясалгал дадалд ахиж дэвшихийн тулд өөрчлөгдөх ёстой.

Одоо бид Хятад улсаас Жин-Ханы илгээсэн сэтгэлийн үгийг хүргэе:

Бүхнийг Чадагч Бурхан, Цаглашгүй Дээд Их Багш, Хаадын Хаадын Хаадын Хаан, бүх Орчлонгийн Хамгийн Хүндтэй, Хайрт Эзэн Тим Ко Тү, Төгс Гэгээрсэн Их Багш Чин Хай, Төгс Гэгээрсэн Майдар Бурхан, бүхнийг чадагч Номын Хүрд Эргүүлэгч (Дүйнхор ван) Хаан Танд баярлалаа... Энэ Дэлхий дээр залран ирж, Нигүүлслээрээ бүх сүнсийг аварсанд баярлалаа. Төрлөөс төрөлд Та мөнхийн тэвчээр, эцэс төгсгөлгүй Хайр, хүлцлээрээ хүн төрөлхтнийг сэрэхийг хүлээж байсан.

Таны шавийн хувиар би веган хоолны дэглэм болон Таван сахилаа чандлан сахихгүй байхын үр нөлөөний талаарх хувийн туршлагаа ичиж зовон, хуваалцаж байна. Нэг удаа би цагаан хоолны ресторанд веган хоол идсэн юм. Магадгүй хоол нь хангалттай цэвэр биш байсан байх. Гэртээ буцаж ирснийхээ дараа би тайван бус, тавгүй болж, бясалгаж чадахгүй байсан. Бүүдгэр нойрондоо бие рүү минь тус бүр нь хагас метр урттай, маш олон хар төмөр өт мөлхөж байхыг харлаа. Тэд маш хүчтэй айдсын энергийг тээн явж байсан. Би оюун бодолдоо Ариун Нэрсээ даруй уншихын зэрэгцээ тэднийг биеэсээ гаргах гэж тэмцэлдэж байв. Их Багш мөн нэг удаа намайг ивээж, амьтан-хүний мах идэхийн тулд буцаж ирсэн нэг бясалгагчийн асурийн бие нь идээ бээрээр бүрхэгдсэн байхыг харуулсан юм. Тэр уур уцаартай, сөрөг хандлагатай болж, Их Багшид хүртэл эргэлзэж эхлэв.

Өөр нэгэн ахуй ойлголтод би нэгэн авшигтан эгчтэй санамсаргүй холбогдсон юм. Тэрээр нэгэн удаа өөрийгөө Буддын зэрэгт хүрсэн хэмээгч, эзэмдүүлсэн авшигтанд итгэж, уруу татагдаж байжээ. Тэр шөнө маш хүчтэй, хар бараан чөтгөр намайг авахаар ирэв. Нигүүлсэнгүй Их Багш намайг үл үзэгдэх нисдэг биет дээр суулган, зугтаалгав. Чөтгөр дүрээ байнга хувирган, биднийг мөшгөн хөөсөөр байлаа. Үүнээс салах маш хэцүү байсан. Их Багш маш их ядарсан тул ухаан алдан унав.

Их Багшийн шавь нарын хувьд Түүний тухай аливаа буруу ойлголт, эргэлзээ нь Их Багшийг, мөн өөрсдийг маань гэмтээж, биднийг маяагийн урхинд оруулна гэж дотоод ахуй ойлголт маань надад хэлсэн. Иймд бид Их Багшийн сургаалд бат итгэж, Их Багш маань тоо томшгүй олон өнгөрсөн амьдрал дахь бидний үйлийн үрийг үүрч, бидэнд авшиг хүртээж, олон зуун мянган калпад ганц л удаа ховорхон тохиож, гэтлэгдэж чөлөөлөгдөх Арьяабалын Аргыг бидэнд хайрласныг эрхэмлэж нандигнах учиртай.

Эрхэм Их Багш Та минь намайг болон надтай холбоотой хүмүүсийг бүхий л аюул, бэрхшээлээс ахин дахин аварч,биднийг хэзээ ч орхиж, хаяж байгаагүй билээ. Та бас янз бүрийн арга замаар надад анхааруулсан. Би бүх дутагдлаасаа ичиж, гэмшиж байна. Их Багш аа, бидэнд эцэс төгсгөлгүй Хайрыг хайрлаж, Орчлонг бүхэлд нь Суу алдраар тэтгэж, бүх сүнсийг аварсанд баярлалаа. Таныг гэсэн хайраа би хүний хэлээр илэрхийлж чадахгүй. “Талархлаа!” гэсэн үгийг л гагцхүү хэлж чадах байна. Хятад улсаас Жин-Хан

Үнэнч Жин-Хан, түүхээ бидэнтэй хуваалцсанд баярлалаа. Энэ нь Таван Сахилыг сахихын ач холбогдлыг бусдад ойлгуулах болтугай.

Их Багшид тантай хуваалцах элэгсэг захиа байна: “Гэмшсэн Жин-Хан, Буруу зүйл хийсэндээ чин сэтгэлээсээ харамсаж, амьдралаасаа алдаагаа арилгаж сурсанд тань баяртай байна. Авшиг хүртэх үед танд юуг зөв, буруу хийснээ санаж, өдөр тутмын буянтай зан үйлийн дадал дахь зөв арга замыг өөртөө сануулж, зөв Зам дээр өөрийгөө байлгаж, сүнслэг байдлын хувьд дээшлэхэд тань туслах оюун санааны өдрийн тэмдэглэл өгсөн. Хэрэв энэ бүгд дууссан бол хуулбарлаж аваад, үргэлжлүүлэн өөрийгөө шинжинэ үү. Оюун санааны бясалгагчдын хувьд алдаа дутагдлынхаа талаар үнэнч байж, өөрийгөө шинжих нь маш чухал. Учир нь алдаа дутагдал нь бидний сул тал бөгөөд бид оюун санааны бясалгал дадалд ахиж дэвшихийн тулд өөрчлөгдөх ёстой. Дотоод Диваажингийн Аялгууны бясалгал нь бидний ухамсарт байгаа аливаа бохирдлыг ариусгана. Бясалгагчид сүнслэг байдлын хувьд хэрхэн унаж болох жишээг та харсан тул цаашид өөрийгөө хэрхэн хамгаалах талаар илүү сайн мэддэг болжээ. Өөрийн бодол, дадал зуршилдаа маш хичээнгүй, хянуур байж, өдөр бүр дотоод Их Багшаасаа зааварчилж, бодол, үг, үйлдэлд тань таныг удирдан чиглүүлэхийн төлөө үргэлж залбираарай. Энэ нь таныг зам мөрдөө үлдэхэд тусална. Та болон Хятад улс Буддагийн хязгааргүй Туяанд жаргах болтугай. Танд маш их хайртай шүү, хамгийн сайн сайхныг хүсье!"