Энэ ертөнц дэх уй гашуу, зовлон зүдүүр хэдийгээр их зовуурьтай боловч бидний сүнслэг өсөлтөд түлхэц болж, бидний жинхэнэ Гэр болон Хаанчлал нь Диваажинд оршдог гэдгийг мэдэж, өөрсдийнхөө болон энэ түр зуурын амьдралын талаар илүү гүнзгий ойлголттой болоход тусалдаг.

Камерунаас Нгва Дамарис Нгум-ын ирүүлсэн сэтгэлийн үгийг одоо хүргэе:

Эрхэм Төгс Гэгээрсэн Их Багш аа, Суприм Мастер ТВ-ийн хамт олонд, Би өөрийн бага дүү (Нгва Яник Чи)-гээ 2024 оны 12-р сарын 19-нд алдсан. Урьдчилан таамаглаагүй, бүх зүйл гэнэт тохиолдсон болохоор бидэнд үнэхээр хэцүү байсан. Уй гашуу, эмгэнэлийн зовлонг үгээр тайлбарлаж чадахгүй нь. Би энэ зовлонг туулж байх хооронд 2024 оны 12-р сарын 25-нд (Зул сарын баярын өдөр) Их Багшийн Христийн Мэндэлсний Баярын захиасыг би сонссон бөгөөд Их Багш хэлэхдээ, таагүй нөхцөл байдал бидэнд сүнслэгээр дэвшихэд тусалдаг ба заримдаа бид бүх нөхцөл байдлын гүн утгыг олж хардаггүй тул бид талархах ёстой гэсэн. Энэ нь намайг тэрхүү уй гашуу дундаас эргэн сэрээж, амар амгаланг авчирсан, учир нь түүнийг нас барахад би Бурхан биднийг орхисон хэмээн бодож, Бурханд итгэх итгэлээ бараг алдаж байсан.

Тэр захиас ирсэн өдрөөс эхлэн би залбирлын сэдвээ өөрчилсөн ба дүүгийн маань үхлийг өөрийнх нь алдар сууны төлөө ашиглана уу, түүний сүнсийг хүлээн авна уу гэж Бурханд хандан залбирч эхэлсэн. Христийн Мэндэлсний Баярын тэр захиас зөвхөн Суприм Мастер ТВ-ийн багт зориулсан эсэхийг мэдэхгүй ч надад бол үнэхээр эргэлтийн үе болсон юм. Энэ захиасанд Тань маш их баярлалаа. Энэ нь намайг, үхлийг бие махбодын нүдээр бус сүнслэг талаас нь харахад хүргэсэн. Их Багш нарт хандан миний дүү Бурханы хайрын тэвэрт эсэн мэнд, эрүүл байгаасай гэж залбирч байна.

Хоёрдугаарт, ихэмсэг зангийн нөлөө нь маш том нүгэл гэдгийг Их Багш надад ойлгуулах хүртэл би үүнийг дутуу үнэлдэг байсан. Их Багшийнхаа ач буянаар, би зан араншиндаа анхаарч, тэр дунд чөтгөрөөс шургуулах гэж оролддог бардам занг дотроосоо бүр мөсөн устгахыг хичээж байна.

Эцэст нь, би Садгүрүг хуурамч зөнч мөн гэдгийг Их Багш тодруулах хүртэл түүний дагалдагч байсан. Ярьж байгаа нь, хүмүүсийн дунд биеэ авч явж байгаа нь ч тийм хүн шиг санагддаггүй байсан. Суприм Мастер ТВ байгаагүй бол би түүний бусад бүх дагагчийн адил буруу замд орох байсан. Миний амьдрал дахь Суприм Мастер ТВ-ийн эерэг нөлөөллийн талаар дурдах олон жишээ бий, гэхдээ би өнөөдөр үүгээр дуусгая.

Их Багш аа, Суприм Мастер ТВ-ийн хамт олонд, өдөр бүр надад өгч буй мэдлэг, мэдээлэлд тань баярлалаа. Би амьдралдаа олон бэрхшээл, сорилттой тулгарсан боловч Таны лекцийг сонсож, уншсанаас ирдэг тодорхой амар амгалан, тайван байдалд байдаг. Таны болон Танай багийн төлөө би байнга залбирдгийг Та мэднэ. Бурханаас бид бүгдэд энх тайван, эрүүл энх, Хайр ирэхийг хүсэн ерөөе. Камерунаас Нгва Дамарис

Сүнсний эрэлч Нгва Дамарис, Таны дүү таалал төгссөнийг сонсоод бид гүнээ харамсаж, гүн эмгэнэл илэрхийлж байна. Их Багшийн айлдвар байнга зөв цаг, яг тохирсон үедээ бидэнд хүрч, сэтгэлийг маань тайтгаруулдаг. Их Багшийн Христийн Мэндэлсний Баярын захиас танд амар амгалан авчирсанд бид баяртай байна. Та болон өнгөлөг Камерун Бурханы Нигүүлслийн туяанд байнга гэрэлтэх болтугай, Суприм Мастер ТВ-ийн хамт олон

Жич. Их Багш танд дараах хайр дүүрэн захиасыг хүргэж байна: “Дотоодоо шинждэг Нгва Дамарис, Би таны уй гашууг хуваалцаж байна, хайр минь. Бид хүний нийгэмд байгаа тул өөртөө хэт хатуу хандах хэрэггүй. Хайртай хүмүүсээ санан дурсаж, тэднийг үгүйлэн, хайрласаар байж, тэдний төлөө залбирах эсвэл сэтгэлийн өвдөлтийг намдаахын тулд бүхнийг хийх нь зөв юм. Тэдний хаана байгааг мэдэхгүй бол Арьяабалын бясалгалаа хичээнгүй хийх нь хамгийн сайн нь юм. Ерөнхийдөө тэдний төлөө Залбираарай, тэгвэл таны энергийн зарим нь тэдэнд тайтгарал, өргөлтийг өгөх болно. Та хэдий чинээ өндөр, дэвшсэн байх тусам тэд ч гэсэн бас өргөгдсөн байх болно. Би шалгасан бөгөөд таны ах Тим Ко Түгийн сүнслэг ШИНЭ ЕРТӨНЦӨД байна. Аз жаргалтай байж, Бурханд талархаарай! Хайртай хүнээ алдсанд нь гүнээ харамсаж байна, хонгор минь, чин сэтгэлийн эмгэнэл илэрхийлье! Та Арьяабалын бясалгал хийж, дотоодын Их Багштайгаа холбогдсоноор, Их Багшийн Хүч таны гэр бүлийн гишүүдийг өнгөрсний дараа тэдэнд туслах болно гэдгийг мэдэж аваарай. Та авшиг хүртсэн өдрөө есөн үеийн төрөл төрөгсөд, найз нөхдөө халамжлан асарч, гэтэлгэдэг. Энэ ертөнц дэх уй гашуу, зовлон зүдүүр хэдийгээр их зовуурьтай боловч бидний сүнслэг өсөлтөд түлхэц болж, бидний жинхэнэ Гэр болон Хаанчлал нь Диваажинд оршдог гэдгийг мэдэж, өөрсдийнхөө болон энэ түр зуурын амьдралын талаар илүү гүнзгий ойлголттой болоход тусалдаг. Та болон Камеруны сүнслэг сэтгэлгээт ард түмэн Диваажингийн алдар суунд ямагт жаргах болтугай. Таныг Хайраараа тэвэрье!"