Би Их Багшийн хувилгаан биеийг хаа сайгүй харсан, Их Багш [Ау Лак (Вьетнам) руу] буцаж ирээд, хойд зүгийн бүх мужуудаар явсан.

Ау Лак буюу Вьетнамаас Түэ Нигээс ирүүлсэн сэтгэлийн үгийг одоо хүргэе:

Эрхэм Хайрт Их Багш аа, би Ау Лак (Вьетнам)-ын Арьяабалын номын бясалгагч. Би 2024 оны 6-р сарын 6-ны өдрийн дотоод ахуй ойлголтоо товчхон хуваалцахыг хүсэж байна. Би Их Багшийн хувилгаан биеийг хаа сайгүй харсан, Их Багш [Ау Лак (Вьетнам) руу] буцаж ирээд, хойд зүгийн бүх мужуудаар явсан. Та бүх хүнд сургах гэж ирээд “Яараарай, хугацаа бага үлдсэн. Диваажингаас өршөөл хүсэхийн тулд залбирч, наманчлагтун!” гэж хэлж байсан. Таныг дагаж байгаа олон хүнийг би харсан!

Дараа нь, та манай ээж (тэр ч бас Арьяабалын Аргын авшигтан)-ийн гэрт ирж хэд хоног амарсан юм. Та ээжтэй минь хамт хоол идэж баяртай байсан. Та: “Би маш энгийн, зүгээр л гүнжид, давс, чанасан ногоотой будаа иддэг.” гэж хэлсэн. Дараа нь би веган ресторанд багийн гишүүдэд: “Их Багшийн хувилгаан бие энд байна. Залуус та нар Их Багшид санал болгох амттай хоол хурдан бэлдээрэй. Тэр Хойд бүс нутагт ирээд бүтэн сар болж байна, ажил хийх, аялах нь маш их ядаргаатай байсан!" гэж хэлсэн. Рестораны багийн гишүүд тун их баярлаж, танд үйлчлэхээр амттай хоол бэлдсэн. Та инээмсэглэн, Арьяабалын бясалгагчдын хичээл зүтгэлийг магтаж, биднээр бахархаж байгаагаа илэрхийлсэн. Та мөн хайрыг хаа сайгүй түгээж, хүмүүсийг веган хоолны дэглэмд шилжихэд уриалахыг сануулсан! Та ажлаа дуусгасны дараа нэгэн номын бясалгагчийн гэрт бясалгал хийхээр явсан. Олон авшигтан бясалгахаар цугларсан бөгөөд Та тэдэнд бие биедээ сайн анхаарал тавьж, Арьяабалын Аргаар хамтдаа бясалгаж, залбирахыг зөвлөсөн.

Шуурга өнгөрсний дараа би ээж рүүгээ утасдахад түүний амьдардаг газарт ихээхэн хохирол учирсан гэж хэлсэн. Гэсэн хэдий ч ээж маань Арьяабалын Аргаар хэдэн цагийн турш бясалгасны дараа эргэн тойронд нь нам гүм байсан бөгөөд тэр юу ч сонсоогүй гэж хэлсэн. Арьяабалын аргаар бясалгах үедээ тэр дотоод Диваажингийн Аялгуу тэнгэр, газраар дамжин цуурайтахыг сонссон байв. Их Багшийн Хүч ээжийг минь, манай гэр бүлийг хамгаалж, биднийг шуурганд өртүүлэлгүй үлдээсэн. Хойд бүс нутгийн ард түмнийг аварсан Бурханд болон Хайрт Их Багш Тандаа би гүнээ талархаж байна. Таны хувилгаан бие эргэн ирж, Тантай барилдлагатай сүнснүүдийг чимээгүйхэн сэрээж, газар бүхэнд байгаа бясалгагчдад санаа тавьсан.

Танаас авшиг хүртсэн өдрөөсөө хойш би Таны сургаалд гуйвшгүй итгэлтэй болсон. Би үргэлж Таны тухай бодож, дотооддоо болон гаднаас удирдамж хүлээн авч, асар их амар амгалан, аз жаргалыг мэдэрдэг. Хүндэтгэсэн шавь Түэ Ни, Ау Лак (Вьетнам) улсаас

Дөлгөөн Түэ Ни, Сэтгэлийн үгэнд тань баярлалаа. Их Багш танд ийм хайрын хариу илгээж байна: “Сүнслэг сэтгэлгээт Түэ Ни, Их Багш болон сургаалд чин сэтгэлээсээ итгэж, сүнслэг бясалгалаа тууштай хийж байгааг тань сонсохдоо үнэхээр баяртай байна. Арьяабалын Аргаар авшиг хүртсэний дараа бид хүссэн үедээ очиж болох Тэнгэрлэг Ертөнцөд шууд нэвтрэх боломжтойгоор 24/7 үргэлж хамгаалагдсан байдаг. Биднийг хичээнгүйлэн залбирч, бясалгах үед Их Багш биднийг болон хайртай бүхнийг маань үргэлж халамжилдаг бөгөөд энэ нь бид агшин зуурын гэгээрлийн эртний аргыг дамжуулан авч, дотоод Диваажингийн Гэрэл, Аялгууг мэдэрсний дараа бидэнд аяндаа ирдэг олон гайхамшигтай зүйлсийн нэг юм. Тэдэнд ч бас энэ амьдралдаа авшиг хүртэж, жинхэнэ Гэрээ олох боломжтой болгохын тулд азтай боломжоо аль чадлаараа хуваалцахад чадах бүхнээ хийгээрэй. Та болон сэхээрсэн Ау Лак (Вьетнам) улс Буддагийн гийгүүлэгч Билгүүн ухаанд тайтгарах болтугай. Таныг, ээжийг тань, таны бүх гэр бүлийг маш их Хайраар тэвэрье.”