ӨДӨР ТУТМЫН МЭДЭЭ-ний гол тойм – 2026 оны тавдугаар сарын 30

[АНУ-ын] Сувдан арал дахь Садакогийн Энхийн ёслолд АНУ, Японы дайны үеийн удирдагчдын үр удам Хирошимаг бөмбөгдсөнөөс хойш 81 жилийн турш асаалттай байсан дөлийг унтрааж, энхийн бэлгэдлийн тангарагт гарын үсэг зурлаа. Энэ нь хоёр улсын эвлэрлийг илэрхийлж, илүү энх тайван ирээдүйг дэмжихийн тулд түүхээсээ суралцахыг олон нийтэд уриалсан үйл явдал болжээ. (Хавай Ньюс Нау)

АНУ-ын Ерөнхийлөгч Трамп Саудын Араб, Катар, Египет, Пакистан, Турк, Иорданы удирдагчдыг АНУ-Ираны энхийн гэрээг боловсруулахад оролцохыг хүсвэл Абрахамын хэлэлцээрт нэгдэхийг уриалсан бөгөөд Иран улсад ч эцэстээ уг хэлэлцээрүүдэд нэгдэж болохыг дурджээ. Абрахамын хэлэлцээр нь АНУ-ын зуучилсан, Израилтай харилцаагаа хэвийн болгох гэрээ бөгөөд одоогоор АНЭУ [Арабын Нэгдсэн Эмират], Бахрейн, Судан, Марокко улсууд гарын үсэг зураад байна. (Фокс Ньюс)

Орос улс АНУ-ын боловсруулсан Украин (Урейн)-ы энхийн 27 зүйлт төлөвлөгөөнд зориулсан бүтээлч гэж нэрлэж буй саналаа боловсруулж дууссан, дэлгэрэнгүй мэдээллийг нууцалж, дараагийн уулзалтад танилцуулахаар бэлтгэж байна гэж мэдэгджээ. Харин АНУ өөрийн төлөвлөгөөгөө эцэслэн боловсруулж байгаа гэж мэдэгдсэн байна. (Той бао VTV)

Ираны ерөнхийлөгч Масуд Пезешкиан олон улсын интернэтийн хандалтыг жагсаалын үеэр хааж, дараа нь АНУ, Израилын цохилтын дараа 87 хоног үргэлжлүүлэн сунгасан тасалдлын дараа үүнийг сэргээхийг үүрэг болголоо. Гэвч эрх баригчид бүрэн холболт хэрхэн, хэзээ сэргэх талаар тодорхой мэдээлэл өгөөгүй байна. (Ройтерс)

[Люксембургийн] Бертранж хотод хүүхдүүд орон нутгийн цагдаатай хамтран цагт 20 километрийн хурдтай дундын ашиглалтын бүсэд замын аюулгүй байдлын ойлголт нэмэгдүүлэх аянд оролцож, радар төхөөрөмжөөр тээврийн хэрэгслийн хурдыг шалган, дүрэм баримталсан жолооч нарт жүрж, хурд хэтрүүлсэнд нимбэг өгч, явган зорчигчийн аюулгүй байдлыг онцлон, залууст хариуцлагатай жолоодлогын талаар сургасан байна. (RTL Түдэй)

Сирийн боловсролын ажилтнууд шинэ ерөнхийлөгчийн зарлигаар сургуулийн болон их сургуулийн багш ажилчдын цалинг нэмсэн нь амьжиргааны нөхцөлийг сайжруулж, ажлын тогтвортой байдлыг бэхжүүлэн, ажилтнуудыг хичээлдээ төвлөрөх, авьяастныг тогтоон барих, орчин үеийн анги танхимын хэрэгсэл ашиглах боломжтой болгосноор дээд боловсрол болон сургуулийн боловсролын чанарт дэмжлэг болно гэж дурджээ. (Сирийн Араб Мэдээний Агентлаг)

Ау Лак (Вьетнам)-ын олон нийтийн сүлжээний хэд хэдэн хэрэглэгч Хо Ши Мин хот болон Биньзыонг аймгийн тэнгэрт хар цагариг хөвж буйг харуулсан бичлэг нийтэлжээ. (Тань Ньень)

Төгс Гэгээрсэн Их Багш Чин Хай (веган): “Энэ удаад энэ нь үнэхээр ойлгогдож, илүү хурдан бүтнэ гэж найдаж байна!” Энх Тайвны Хааны мэдээ: “Энх тайван энд одоо ирж байна!”

Их Британийн шинэ судалгаагаар инээд хүүхдийн тархийг илүү уян хатан болгож, суралцах чадварыг сайжруулан, стрессийг бууруулдаг нь тогтоогджээ. Эрдэмтэд хошин мэдрэмж төвлөрлийг хурцалж, ой тогтоолтыг нэмэгдүүлдэг бол хөгжөөнт мөчүүд эцэг эхийн холбоог бэхжүүлдэг гэж үзэж байна. Мидлсексийн Их Сургуулийн бага насны хүүхдийн хөгжлийн мэргэжилтэн, доктор Жаклин Хардинг Британийн сурган хүмүүжүүлэгчдийг хүүхдүүдийг амжилттай хөгжүүлэхийн тулд бага насны боловсролд инээдийг илүү өргөн ашиглахыг уриаллаа. (Гүүд Ньюс Нетворк)

Их Британийн томоохон судалгаагаар сэтгэл түгшээсэн “үе хоорондын эрүүл мэндийн доройтол”-ыг илрүүлж, залуу үеийнхэн өмнөх үеийн ижил насны үетэй харьцуулахад эрүүл мэнд муутай байгааг харуулжээ. Судлаачид олон арван мянган британичуудыг ажиглаж, X үеийнхэн [1965-1980 онд төрөгсөд], миллениалууд [1981-1996 онд төрөгсөд]-ын дунд таргалалт, чихрийн шижин, сэтгэл гутрал, түгшүүрийн түвшин өсөж байгааг тогтоожээ. Эрүүл бус хооллолт, хөдөлгөөний дутагдал, нийгмийн хүчин зүйлс энэ доройтлыг өдөөж, ирээдүйн эрүүл мэндийн тогтолцоонд аюул учруулж байна. (евроньюс)

Шинэ иж бүрэн судалгаагаар архи бараг бүх эрхтэн тогтолцоог хүчтэй гэмтээдэг бөгөөд уух зуршил нь амь насанд халтай 60 гаруй өвчинтэй холбоотой болохыг баталжээ. (СкайТех Дэйли)

Эрс тэс цаг агаар Энэтхэгийн алдарт Альфонсо мангоны ургацыг сүйтгэж байна. Мангоны үйлдвэрлэлээр алдартай [Махараштра мужийн] Девгад хотод удаан үргэлжилсэн халуун болон Эль Ниньотой холбоотой ер бусын нөхцөлийн дараа хохирол 85-90%-д хүрснийг судалгаанууд харуулжээ. Ургац огцом буурснаар фермерүүд захиалгаа биелүүлэхэд бэрхшээлтэй болж, тээврийн зардал өсөж, бүс нутгийн мөргөлдөөн экспортод саад учруулж байна. Уг нийлүүлэлтийн цохилт нь үнийг өсгөж, бүс нутгийн амьжиргаанд хохирол учруулж байна. (Ройтерс)

Франц улсад 5-р сарын 26-нд түүхэн дэх 5-р сарын хамгийн халуун өдөр болжээ. Тэр өдөр улсын дундаж дулааны индекс [улс даяарх дундаж температурыг хэмжих үзүүлэлт] 24.8°C болж, шинэ дээд хэмжээнд хүрчээ. 5-р сарын 23-нд эхэлсэн хүчтэй халалтын үеэр дор хаяж долоон хүн амиа алдаж, хохирогчдын тав нь хэт халуунд нуур, гол, далайн эрэгт живснийг баталсан байна. Халалт үргэлжилж буй тул засгийн газар спортын арга хэмжээнүүдэд аюулгүй байдлын арга хэмжээг чангатгахыг үүрэг болголоо. (Ройтерс)

[Швейцарын] Базелийн Их сургууль, Швейцарын Холбооны Усны Шинжлэх Ухаан, Технологийн Хүрээлэнгийн судлаачид дэлхийн дулаарал нь нууруудын азот зайлуулах, өөрөөр хэлбэл, бичил биетнүүд азотыг хий болгон хувиргах чадварыг сулруулдгийг тогтоожээ. Тэд Швейцарын Бальдегг нуурыг судалж байхдаа уур амьсгалын өөрчлөлт усны холилдох хугацааг 27 хүртэл хоногоор богиносгож, азот зайлуулах явцыг 8-13%-иар бууруулан, доод урсгалд замаг цэцэглэх, хүчилтөрөгчгүй үхмэл бүс үүсэх эрсдэлийг нэмэгдүүлдгийг харуулсан байна. (Трибюнь)

Австрали улс 2024 оны тоон үзүүлэлтээр шүрэн хадны аялал жуулчлал жилд 2.3 сая гаруй зочин хүлээн авч, сэргэж буй энэ үед хяналтыг өргөжүүлэх, усан дээрх ажиллагаа, тэсвэржилтийн хөтөлбөрөөр дамжуулан Их шүрэн даланг хамгаалахад 91.8 сая австрали доллар (ойролцоогоор 65.7 сая ам.доллар) хуваарилсан байна. Албаны хүмүүс энэ хөрөнгө оруулалтыг байгаль орчны хамгаалалт төдийгүй урт хугацааны аялал жуулчлалын стратеги гэж тодорхойлжээ. (Travel and Tour World)

[Ау Лак (Вьетнам)-ын] Нячанг булан дахь эргүүлийн багууд Хон Мун орчимд Брайдын халимын нэг бодгаль ажигласнаа мэдээлжээ. Энэ нь уг зүйл тус бүсэд үзэгдсэн ховор тохиолдол болж байна. (ВьетнамПлас)

Их Британийн Wildlife Trusts байгууллагад зориулсан судалгаагаар насанд хүрэгчдийн бараг тал хувь нь хүүхэд насандаа гадаа тоглодог байсан эерэг дурсамж ихтэй ч одоо долоо хоногт гурваас бага цагийг байгальд өнгөрөөдөг нь тогтоогджээ. Энэ нь ногоон бүсэд хүрэх боломж буурч байгааг онцлон харуулсан бөгөөд орон нутгийн зөвлөлүүд санхүүжилтийн дарамттай, засгийн газар шинэ цэцэрлэгт хүрээлэн, ой, голын дагуух явган хүний зам хийхээр амлаж буй энэ үед буяны байгууллагууд хүмүүсийг байгальтай дахин холбогдохыг уриалж байна. (Гардиан)

[ИБУИНВУ-ын] Дартмурын үндэсний цэцэрлэгт хүрээлэнгийн идэвхтнүүд Английн ховор сэрүүн бүсийн ширэнгэн ойг өргөжүүлж, сэргээхийг уриалж байна. Корнуоллын гүнт улс Блэк-а-Тор, Вистманы ой зэрэг эртний ойн шугуйн хэмжээг 2040 он гэхэд хоёр дахин нэмэгдүүлэх амлалт өгсөн бөгөөд олон арван жилийн турш амьтан-хүний сүрэг бэлчээрлэснээр байгалийн нөхөн сэргэлт саарч, дэлхийд ховор эдгээр экосистем доройтсон нөхцөлд орсон гэх болгоомжлолын үед засгийн газраас амьдрах орчныг сэргээх шинэ санхүүжилтээр үүнд дэмжлэг үзүүлж байна. (Гардиан)

Шинэ Зеландын Forever Harvest гарааны бизнес уламжлалт тариалалтын асуудлаас зайлсхийхийн тулд биореакторт бүйлсний эсийг ургуулж, дэлхийн анхны эсийн аргаар гаргасан бүйлсний сүүг танилцууллаа. Тус технологи усны хэрэглээ болон уур амьсгалын эрсдэлийг бууруулах зорилготой юм. (PlanetFood.News)

АНУ-ын T. Hasegawa компани сүүний бүтээгдэхүүний амт, өтгөн зөөлөн бүтэцтэй төстэй веган нунтаг амт оруулагч технологи Hasemilk-ийг шинээр гаргалаа. Уг шинэчлэл нь уурагт суурилсан хэрэглээнд гардаг тааламжгүй амтыг дарж, веган хүнс, уух зүйлийн найрлагын амтыг сайжруулж байна. (Вежкономист)

Ondeck-ийн шинэ судалгаагаар төсөв хязгаарлагдмал ч АНУ даяар бие даасан веган ресторанууд амжилттай хөгжиж буйг харуулжээ. Судлаачид Yelp [орон нутгийн бизнесүүдийг олоход хүмүүст туслах зориулалттай онлайн лавлах, үнэлгээний платформ]-ээс сэтгэгдлүүд авч, АНУ-ын хамгийн өндөр үнэлгээтэй шилдэг 10 бие даасан веган рестораныг эрэмбэлжээ. Сонирхолтой нь хамгийн өндөр үнэлгээтэй хоолны газрууд [Калифорнийн] Лос-Анжелес зэрэг уламжлалт төвүүдэд бус, харин [Калифорнийн] Сан Хосе дахь нэгдүгээрт эрэмбэлэгдсэн Aina’s Vegan Banh Mi, [Флоридагийн] Тампа дахь 2-рт эрэмбэлэгдсэн The Mediterranean Chickpea зэрэг жижиг хотуудад байжээ. (ВежНьюс)

[АНУ-ын] Виржини мужийн Peaceful Fields Sanctuary веган буяны байгууллага гэмтлийн дараах сэтгэлийн шархтай хүмүүсийг аврагдсан, хүчирхийлэлд өртсөн ямаа-, үхэр-, морь-хүн зэрэг том амьтан-хүмүүстэй хослуулах эмчилгээний хөтөлбөр эхлүүллээ. Оролцогчид сэтгэцийн эрүүл мэндийн мэргэжилтнүүдийн хамтаар өдөр тутмын асаргаагаар дамжуулан амьтан-оршин суугчидтай холбоо тогтоож, хүн ба амьтан-иргэдийн харилцан сэтгэл санааны эдгэрэлд дэмжлэг үзүүлж байна. (Винчестер Стар)

[Ау Лак (Вьетнам)-ын] Ханой хотод болсон номын нээлтэд “Шалан дээгүүр нисдэг супер баатар” бүтээлийг танилцуулж, тархины саажилттай хүүхэд өсгөж буй гэр бүлүүдийг онцолжээ. Тархины саажилттай нэгэн аавын хамтран бичсэн уг номд бие махбодын хязгаарлалтыг даван туулж буй хүүхдүүдийг дүрсэлсэн байна. Зохиогчид хөгжлийн бэрхшээлийг хамруулах, өрөвч сэтгэлийн талаарх олон нийтийн мэдлэгийг өргөжүүлэхийн тулд онлайн богино кино, тайзны хувилбаруудыг хийхээр төлөвлөжээ. (Дан Три)

[Өмнөд Африкийн] Кейптаун хотын нэгэн эр өвчтэй нохой хамтрагчаа хөнжил дэвссэн түрдэг тэргээр амьтан-хүмүүсийн халамжийн үйлчилгээ үзүүлэгч Animal Rescue байгууллагад хүргэсэн байна. Буяны байгууллагын албаны хүмүүс түүний арга сүвэгчилсэн байдлыг энэрэл нигүүлсэл, гэрийн тэжээвэр амьтан-хүнийг хариуцлагатай асрахын хүчтэй жишээ хэмээн сайшаажээ. (Гүүд Тингс Гай)

Өдрийн урам зориг өгөх эшлэл: “Боломжгүй зүйл гэж үгүй. ‘Impossible’(Боломжгүй) гэдэг үг нь өөрөө ‘I’m possible’ (би боломжтой) гэж хэлдэг!” – Оскарын шагналт Британийн жүжигчин, хүмүүнлэгийн зүтгэлтэнpo Одри Хепбёрн (BrainyQuote)

Гэйб Пуарогийн гурван хэсэгт клиник үхлийн тохиолдолд Америкийн Христийн шашинт контент бүтээгч Гэйб скейтбордоор осолд орсны дараа хэрхэн нас барж, Диваажинд Эзэн Есүс Христ (цагаан хоолтон)-ийн өмнө хүргэгдэж, гайхамшигтайгаар эдгэрэн, Бурханы Хайрын тухай захиастай буцаж ирснээ хуваалцаж байна. Гэйб сүсэг бишрэлийн тухай асар хурдтай тархсан бичлэгүүд хийж, дагагчдын хүрээтэй болсон байв. Тэр Эзэн Есүс Христийг хайрлаж, Түүний сургаалыг номлодог байсан ч ослоос өмнөх итгэлээ Бурханыг үнэхээр танихаас илүү Бурханы тухай мэддэг байсан гэж тодорхойлжээ. Энэ нь тарвасын тухай зуун удаа сонссон ч хэзээ ч амсаж үзээгүйтэй адил ажээ.

2021 оны 10-р сард Гэйб хамгаалалтын дуулгагүйгээр цахилгаан скейтбордоор цагт ойролцоогоор 20 милийн хурдтай найзтайгаа уралдаж байв. Тэр зам дээрх жижиг гэрэл ойлгогч товгор зүйлийг мөргөж, скейтбордоосоо өндөр хурдтайгаар шидэгдэн, шууд толгойгоороо газарджээ. Түүний гавлын яс дээрээсээ доош цуурч, чихнээс нь цус асгарч, бие нь хөдөлгөөнгүй хэвтэв. Зүрх нь зогсож, түүнийг сэхээн амьдруулсан бөгөөд дараа нь 18 хоног хариу үйлдэл үзүүлэлгүй комд байжээ. Эмч нар гэр бүлд нь түүнийг амьд үлдэх эсэхийг мэдэхгүй, амьд үлдсэн ч оюуны чадамжгүй, ургамал байдалтай болно гэж хэлжээ. Тэд түүний тухай өнгөрсөн цаг дээр ярьж байлаа.

Бие нь зам дээр хөдөлгөөнгүй хэвтэж байх үед Гэйб өөрийгөө биеэсээ гарсан байгааг мэдэрсэн гэж ярьсан юм. Би үнэхээр биеэсээ гулсан гарч, анхны амьсгалаа авсан мэт санагдсан. “Би” гэж хэлж байгаа нь хүртэл хачирхалтай. Учир нь энэ учрал, энэ тохиолдолд цаашид мэдэрсэн зүйл маань дэлхий дээр хэзээ нэгэн цагт мэдэрч байсан бүхнээс илүү бодит байсан. Миний бүх мэдрэхүй амилсан. Тиймээс биеэсээ гулсан гарахдаа, бие минь үгүй болсон ч, хачирхалтай нь би үнэхээр амьд мэт мэдэрсэн.

Дараа нь Гэйбийг нэгэн Гэрэл дээш татсан боловч тэр Гэрэл ямар нэг зүйл биш байв. Тэр бол хүн байжээ. Би дээш сорогдох мэт татагдахад энэ Гэрэл намайг татаж, миний дэлхийн дээрх сүнслэг тулаан гэж тодорхойлдог зүйлээр дамжуулан авч явсан. Би үүнийг хоёр дахь Диваажин гэж нэрлэдэг, миний өгсөн нэр томьёо нь тэр юм. Тэр сүнслэг тулаан дунд би дээш сорогдох мэт татагдахдаа дэлхий дээрх эмх замбараагүй байдлыг харах боломжтой болсон. Тэгээд би үнэхээр илчлэл үзсэн. Бид хүмүүсийн эсрэг дайтаж буй юм биш. Хүмүүс бидний дайсан биш. Би улс орнууд, ерөнхийлөгч нарыг, зүгээр л хүмүүсийг хүүхэлдэй мэт ажиллуулж, нөлөөлж буй чөтгөрийн хүчнүүдийг харсан. Энэ маш тодорхой байсан бөгөөд надад: “Хөөх, энэ үнэхээр гайхалтай юм” гэж санагдсан. Бид зөвхөн биет ертөнцөд амьдардаггүй юм байна гэсэн маш гүн ухамсартай болсноо би санаж байна.

Харж байсан зүйл нь хүчтэй байсан ч Гэйб айдас огт мэдрээгүй, зөвхөн өөрийг нь тэр бүхний дундуур татаж явсан Гэрэлд тэврэгдсэн мэт тодорхой ойлголтыг л мэдэрчээ. Намайг энэ Гэрэл рүү авч ороход би үүнийг хот гэж дүрсэлдэг ч энэ нь Америк дахь хот шиг, зүгээр нэг очих газар шиг хот биш юм. Намайг аваачсан энэ Диваажинг байршлын хувьд тодорхойлох боломжгүй. Диваажин бол Тэр Өөрөө. Учир нь Түүний өмнө хүргэгдэхээсээ зүүн, баруун, харааны захад минь бүх Диваажин Түүний тухай өгүүлж байгааг би мэдэрсэн. Бүх Диваажин Түүгээр амьсгалж, Түүнийг дуулж байгааг би мэдэрсэн. Үнэхээр үзэсгэлэнтэй. Миний мэдэрсэн Диваажин бол Христ байсан.

Гэхдээ хамгийн гайхалтай нь, ийм ариун, сүрдэм газарт байгаа би хэн сэн билээ гэж зовнисон тул би нүүрээ доош харуулсан байсан. Энэ бол Хаадын Хаан. Энэ жирийн нэг хүн биш. Энэ бол Тэр, Мөнх оршихуй, Альфа, Омега юм. Би алдаануудын минь жагсаалтыг одоо гаргаж ирэх нь гэж бодсон тул нүүрээ доош харуулж байлаа. Би Түүнийг хүртэх эрхгүй. Тэр надад заяагдсан мэт шаардах эрх надад байхгүй. Би Түүнийг хүртэх гавьяа байгуулаагүй. Тэр миний нүүрийг өргөсөн. Тэр миний нүд рүү хараад, “Габриель, Миний төлөөсийг нь төлсөн зүйлд чи яагаад санаа зовно вэ?” гэж хэлсэн.

Эзэн Есүс Христ (цагаан хоолтон) ямар төрхтэй байсан талаар асуухад, Гэйб Түүнийг ойролцоогоор 180-183 см өндөр, бордуу арьстай, Ойрх Дорнодын төрхтэй, дунд зэргийн урттай, үл ялиг буржгар үстэй гэж дүрсэлсэн бөгөөд үүний зэрэгцээ Түүнд мөнхийн гэдэг нь андашгүй чанар байсан гэжээ. Тэр 33 настай атлаа мөнхийн байсан. Тиймээс Есүс миний зүгээр нэг харсан хүн биш байсан. Тэр оршин буй Нэгэн байсан. Би Түүний өмнө байхдаа Түүнийг мэдэрч, мэдрэмжээрээ хүрч, амталж, барьж чадах мэт байсан. Тэр надтай зөвхөн сонсогдох хэлээр яриагүй. Түүний үгс миний зүрх рүү чиглэсэн жад мэт байв. Хэрэв ингэж хэлж болох бол, Тэр ярихгүйгээр ярьсан. Зүрхнээс зүрхэнд хүрч байсан. Тэр намайг ойлгож, би ч Түүнийг ойлгосон.

Эзэн Есүс Христийн оршихуйд Гэйб өмнө нь огт мэдэрч байгаагүй хайрыг мэдэрчээ. Энэ хайр түүний хийсэн зүйл дээр бус, бүхэлдээ Эзэн Есүс Христ хэн бэ гэдэгт үндэслэсэн байв. Есүстэй хамт байхдаа Тэр бүхнийг хүлээсэн ганц хүн нь би мэт байсан. Тэр зөвхөн намайг харахын тулд насан туршдаа хүлээж байсан санагдсан. Тэр намайг хараад үнэхээр их баярласан мэт байсан. Гэхдээ Тэр хүн бүрд нэг бүрчлэн яг адилхан тийм байдаг. Диваажинд тайзны ар тал, эсвэл тусгай хүлээлгийн өрөө гэж байхгүй. Нэг нэгээрээ нүүр тулан, нүд нүдээ харна. Тэр үүнийг хүн бүртэй хийхийг хүсдэг. Тэр хүлээж байгаа. Тэр хүн бүрийг зүгээр л Өөртэй нь уулзахыг хүлээж байна.

Хоёрдугаар хэсэгт Гэйб Эзэн Есүс Христ дараа нь түүнд юу үзүүлснийг ийн дүрсэлжээ: хувцасны хэсэг мэт атгасан цаг хугацаа,судрын мөчүүд амилан харагдсан нь, мөн дэлхий дээрх хүмүүсийн түүний төлөө залбирч байсан залбирлууд харагджээ. Диваажин дахь цагийн шугам нь үнэндээ миний мэдэрсэн зүйл байсныг би харсан. Өнгөрсөн, одоо, ирээдүй гурав нэг дор сүлжилдсэн мэт байсан. Энэ нь нэгэн хувцас шиг байсан бөгөөд Тэр цаг хугацааг гартаа барьж байсан. Гэйб Пуарогийн клиник үхлийн тохиоллын 3-ын 2-р хэсэгт маргааш бидэнтэй хамт байгаарай. (Лила Роуз)